Մագնեզիումը շատ կարևոր տարր է, քանի որ այն անհրաժեշտ է օրգանիզմի ավելի քան 300 քիմիական ռեակցիաները կարգավորելու համար: Մագնեզիումը մեր օրգանիզմի 4-րդ կարևոր հանքանյութն է, որի 50%-ը պահվում է ոսկորներում: Իսկ մագնեզիումի մնացյալ մասը գտնվում է մարմնի հյուսվածքների բջիջներում և օրգաններում:

Մագնեզիումի միայն 1%-ն է պարունակվում արյան մեջ, սակայն օրգանիզմը ձգտում է, որ նույնիսկ այդքան չնչին քանակությունը պահպանվի արյան մեջ:

* Մագնեզիումն անհրաժեշտ է մկանային և նյարդային համակարգի ֆունկցիաների և սրտի նորմալ աշխատանքի համար:

*Այս հանքանյութն ամուր է պահում ոսկորները և նպաստում է իմունային համակարգի առողջությանը:

*Մագնեզիումը կարգավորում է արյան մեջ շաքարի մակարդակը, նպաստում է էներգիայի արձակմանը և սինթեզում սպիտակուցը:

*Մագնեզիումը դրական ազդեցություն է թողնում սիրտ-անոթային հիվանդությունների, բարձր ճնշման և շաքարախտի բուժման վրա:

 Մագնեզիում պարունակող սննդամթերք

 Մագնեզիում պարունակում են ծովամթերքը, սպանախը, լոլիկը, ճակնդեղի  տերևները, լոբին, քաղցր կարտոֆիլը, հնդկաձավարի ալյուրը, դդմի կորիզները, գետնանուշը, գարին, շոկոլադը, եգիպտացորենի ալյուրը, ցորենի ալյուրը, վարսակի թեփը, կաթը, յոգուրտը, ձուկը: Հիշեցնենք, որ ջուրը նույնպես պարունակում է մագնեզիում:

 Մագնեզիումի պակասի նախանշանները

 Մագնեզիումի պակասի դեպքում ի հայտ են գալիս հետևյալ նախանշանները` մեջքի և վզի շրջանում ցավ, հոգնածություն, անհանգստություն, միգրեն, մկանների թուլություն և սպազմ, ախորժակի բացակայություն, փսխում, սրտխառնոց, անքնություն, սրտի ոչ ռիթմիկ աշխատանք, աղիների թուլություն, մկանների ջղաձգում:

Երբ Դուք սթրեսի մեջ եք, օրգանիզմն օգտագործում է մագնեզիումի ողջ պաշարը:

*եթե Դուք շոկոլադի անհուն պահանջ եք զգում, ապա Ձեզ մոտ նկատվում է մագնեզիումի պակաս: *Մագնեզիումի պակասը հասկացվում է նաև շաքարախտի, դեպրեսիայի և կլիմաքսի նշաններից:

 Մագնեզիումի բուժիչ հատկությունները

 Բժիշկ մասնագետները խորհուրդ են տալիս ամենօրյա սննդակարգում ընդգրկել մագնեզիումով հարուստ սնունդ:

*Մագնեզիումն այնպիսի քիմիական տարր է, որն օգնում է, որպեսզի օրգանիզմը կալցիումը հեշտ ներծծի:

*Մագնեզիումն է նպաստում ատամների և ոսկորների ձևավորմանն ու ամրացմանը:

Կանխում է ասթման

*Քրոնիկ ասթմայով տառապող հիվանդները կարող են կարգավորել շնչառությունը մագնեզիումի հաբեր ընդունելով, քանի որ մագնեզիումը հանգստացնում է բրոնխների մկանները և կարգավորում շնչառությունը:

*Մագնեզիումն օգնում է վերացնել նաև խզզոցը և ծանր շնչառությունը:

Ոսկորների առողջություն

Մագնեզիումն ապահովում է ոսկորների խտությունը, դրա պակասից է առաջանում օստեոպորոզը:

Մագնեզիումը կարգավորում է կալցիումի, վիտամին D-ի, պղնձի, ցինկի մակարդակն օրգանիզմում:

*Շատ կարևոր է աճման տարիքում և հետագա տարիներին օգտագործել մագնեզիումով, կալցիումով և վիտամին D-ով հարուստ սնունդ, քանի որ դա կանխում է օստեոպորոզ հիվանդության ի հայտ գալը:

 Հղիության ընթացքում

*Մագնեզիումը հղիության համար կարևոր տարրերից մեկն է:

*Մագնեզիումի նորմալ չափաքանակի ընդունումը կանխում է օստեոպորոզի առաջացման ռիսկը, մեծացնում ցավի նկատմամբ դիմադրողականության մակարդակը և կարգավորում արյան ճնշումը:

*Մագնեզիումի սուլֆատը հիանալի դեղամիջոց է  բարձր ճնշում ունեցող հղիների էկլամպսիկ նոպաները կանխելու համար:

*Բուժում է մեջքի ցավը և ջղաձգումները

Մագնեզիումը հիանալի դեղամիջոց է նրանց համար, ովքեր տառապում են մեջքի ցավից. այն հանգստացնում է մեջքի մկանները, երիկամների սթրեսը և ընդհանուր մկանային լարվածությունը: Մագնեզիումն օգնում է, որ կալցիումը ներծծվի օրգանիզմի կողմից, որն էլ իր հերթին՝ բարենպաստ ազդեցություն է թողնում ոսկորների առողջության վրա:

*Ոտքերի ջղաձգումները և հոգնածությունը մագնեզիումի պակասի նշաններ են:

Կանխում է սրտի ինֆարկտը:

*Մագնեզիումի պակասից կարող է սրտի ինֆարկտ առաջանալ:

*Մագնեզիումը պաշտպանում է սիրտն անկանոն սրտի բախումներից և ամրացնում է սրտի մկանները:

*Այս հիանալի հանքանյութը հանգստացնում է նյարդերը, կարգավորում մարսողական համակարգը, կանխում ջղաձգումները, փսխելը, փորի շրջանում ցավը, փորկապությունը, փորափքությունը:

*Կանխում է փորկապությունը:

*Մագնեզիումն արագ անց է կացնում փորկապությունը:

*Մագնեզիումի թուլացնող հատկությունները հանգստացնում են աղիների մկանները, այն ներծծում է ջուրը, որն էլ մարսված սնունդը հեշտ և սահուն է անցկացնում աղիներում:

*Կանխում է շաքարախտը

*Մագնեզիումը նպաստում է  բարելավելու արյան շաքարի նկատմամբ ինսուլինի ռեակցիան: *Շաքարախտ հիվանդությունը պայմանավորված է մագնեզիումի պակասով:

*Մագնեզիումը կարգավորում է արյան մեջ շաքարի մակարդակը և ապահովում արյան նորմալ ճնշումը: Այն մարդկանց մոտ, ովքեր ունեն արյան բարձր ճնշում, նույնպես նկատվում է մագնեզիումի պակաս:

*Հիշեցնենք, որ արյան բարձր ճնշումն է առաջ բերում սրտի ինֆարկտ, ուստի սննդակարգում անպայման ներառեք մագնեզիումով հարուստ սննդամթերք:

*Բուժում է հոգեկան խանգարումները:

*Մագնեզիումը բուժում է սթրեսը, անհանգստությունը, գրգռվածությունը, անհարկի հուզումները և ճգնաժամային հոգեկան վիճակը:

*Բուժում է միգրենը:

Կանանցից շատերին են անհանգստացնում միգրենը և դրա նոպաները, իսկ մագնեզիումն այն հիանալի դեղամիջոցն է, որը թեթևացնում է միգրենը և նվազեցնում նրա կրկնման հաճախականությունը:

*Արտադրում է կոլագեն:

Մագնեզիումն արտադրում է սպիտակուցներ, որոնք փոխակերպվում են կոլագենի: Կոլագենը հանդիպում է ջլերի, մաշկի և կապանի մեջ: Այն առկա է նաև ոսկորների, աղիների, արյան անոթների, աչքի եղջերաթաղանթի, աճառի և միջողնաշարային դիսկի մեջ:

Ներծծում է հանքանյութերը:

*Մագնեզիումն օգնում է ներծծել վիտամինները և այնպիսի հանքանյութերը, ինչպիսիք են նատրիումը, կալցիումը, կալիումը և ֆոսֆորը: *Հանքանյութերի ներծծումը կատարվում է փոքր աղիներում, իսկ մագնեզիումն էլ դետօքսիկացնում է մեր օրգանիզմի համար վնասակար տոքսինները:

Ակտիվացնում է ֆերմենտները: Մագնեզիումն ավելացնում է էներգիայի արտադրումն օրգանիզմում և ակտիվացնում է ֆերմենտներին, որպեսզի առաջացնեն բջջային էներգիան:

*Կարգավորում է միզապարկի ֆունկցիաները:

*Այն կանայք, ովքեր ունեն միզապարկի խնդիրներ և հաճախ են միզում, կարող են ազատվել այդ խնդիրներից՝ օգտագործելով մագնեզիում: Հաճախակի միզելու խնդիրներն առաջանում են ինֆեկցիաներից, նեֆրիտից, ցիստիտից: Մագնեզիումի կանոնավոր ընդունումը թեթևացնում է վերը նշված խնդիրները:

*Չափահասները պետք է օրական ընդունեն մագնեզիումի 250-350մգ չափաքանակ: Քանի որ մագնեզիումը պարունակում է լուծողական բաղադրիչներ, ապա նրա չափից շատ օգտագործումը կնպաստի աղիների թուլացմանը: